العواد
عدد المساهمات : 677 تاريخ التسجيل : 13/08/2011
| موضوع: فيه بنت محترمه تدخل المنتدى بعد 12 بالليل ؟؟؟ الإثنين أكتوبر 24, 2011 4:30 pm | |
| فيه بنت محترمه تدخل المنتدى بعد 12 بالليل ؟؟؟
بسم الله الرحمن الرحيم
السلام عليكم و رحمة الله و بركاته
فيه بنت محترمه تدخل المنتدى بعد 12 بالليل؟؟؟
شدني العنوان للموضوع و لما دخلت و شفت محتوى الموضوع شبت نار بــ قلبي معقولة في شباب باقي نظرتهم بــ هالدونيه معقولة البنت أو المرآة اللي هي أم . زوجه . أخت . بنت و ...و ... ما زال الشباب الطايش يعتبرونها سلعة رخيصة و محطة فقط للهـــو حتى و هي محترمة و ما لها بــ السوالف البطالة
ما لكم بــ الطويلة أنا بحط لكم الموضوع و أبي رأيكم فيه و بكل حيادية
انا بكتب لكم حوار صار لوحده من صديقاتي في احد المنتديات و هذا الشي اللي خلاني انفعل و اناقشكم في الموضوع
الحوار هو كالتالي : للتوضيح الحوار كان في الرسايل الخاصه بين عضو وصديقتى.. في احد المنتديات
الولد : السلام عليكم الغاليه .. ممكن نتعرف فديتك !!
<<سخاااافه
البنت طووووفت ( يعني ما ردت على رسالته )
الولد : صووبنا يا حلووو .. ممكن تعبرينا شوي..
و البنت بعد طوووووووفت
الولد : زين ليش جايه انتي .. مافيها شي لو رديتي علي .. يعني انا بعرفك والا بعرف اهلك .. عادي عادي ردي الغاليه لا تكونين معقده
<<وقاااااااحه بجد
البنت ملت من الرسايل .. عاد فوق العشر رسايل ورا بعض وبنفس الوقت .. اول ما تدخل المنتدى وهو هالكها بالرسايل
البنت : وعليكم السلام اخوي .. اسمحلي انا مو حقت هالسوالف .. وهذا منتدى محترم مو للتعارف وغيره .. فلو سمحت اذا بغيت شي يخص المنتدى ارسل رساله واذا ماعندك شي مهم رجاءً لااترسل لي شي ..
الولد : ههههههههههههههههههه عاد تبين تبينيلي انك وحده محترمه هههههههههههههههههههه هذي حركاتكم يالبنات .. لازم اول شي تخلون اعماركم شريفات وعقب يبين المستوووووور خخخخخخخخخ أجل داخله هالوقت المنتدى وتقولين عن عمرك محترمه خخخخخ..في أصلن بنت محترمه تدخل المنتدى بعد الساعه12 خخخخخخخخخخخخ والله انكم حااااله ..
<<عقول سقيمه بجد
و انتهى الحوار لـ هذا الحد .. لانه البنت مصدوومه من نظرة الشباب للبنت اللي تدخل المنتدى فـي وقت متأخر من الليل !!! وقامت ورسلت الرسايل الخاصه كلها لمديرهم .. واتصرف فالمووضوع بنفسه
سؤااالي اللي يطرح نفسه الحيــــــــن ..
هل فعلا نظرة الشباب للبنت اللي تدخل المنتديات او الشبكه العنكبوتيه بعد الساعه 12 تعتبر بنت مو محترمه ؟؟؟
هل فعلا تفكير كل الشباب ؟؟؟
او حتى لو جزء من تفكيرهم ؟؟
زين ولو كان هذا هو تفكيرهم ؟؟ ممكن تعطونا الاسباب والمبررات؟؟
اللي تخليهم يفكرون بـ هالطريقة!! الصراحه انا انصدمت من هالشي ؟؟ يعني هل للاحترام وقت معين ؟؟
مو المفروض الاحترام ينعرف من الاسلوب في التعامل ؟؟
ابي منكم اجابات و نقاشات لـ هالاسئله ..؟
همسة : أعتذر عن قساوة العنوان !!!!
|
|